返工途中發現受傷大海龜，背部有明顯傷痕，好似俾船撞到。當時水漲，見牠被水流推向沙田方向。返到公司立即致電漁護署(~0835)，可惜飛左去1823熱線。熱線職員小姐聽到後話就算依家通知漁護署最快都要兩個鐘頭到先到，而且條河咁大都好難會搵到。我話：「依家水漲，隻海龜受左傷游唔到，最多咪漂到去大圍點會搵唔到？況且玳瑁唔係受保護動物嗎？」之後果位小姐叫我留低姓名同聯絡電話，通知漁護署搵我。之後等到0855都冇回音，唯有再打多一次去漁護署，都係飛左去1823。今次係一位先生接聽，我講出詳情和等左咁耐都冇回覆，想跟進個情況。佢話根據紀錄我係係0845致電去熱線，我話：「唔係呀嘛﹗我0830返到公司即刻打電話，個電話唔係要成15分鐘後先有人接呀？」個男職員立即轉換態度，話會即刻同我跟。到大約0910先收到漁護署既小姐電話，我交帶好所有情形之後佢話會派人去救。之後就冇再收到漁護署既回音，睇報紙又唔多覺有報導……希望隻海龜「吉龜天相」啦﹗

ps. d同事之後先話我應該一野打去報紙先，咁會好d喎……唉……