自從係9月尾開始吹起東北風之後，我地就不斷咁等…其實係收風，睇睇邊度既釣況比較穩定。
但係心目中想去的地點既釣況都係比較差，只有南丫島好似唔錯，有細麟雞魚絲立牛屎黑沙…仲
有仲有，就係最吸引人既白立，體型仲要係ok size!!上到水的都有三斤，仲要斷了不少(阿麟，你
支2號新白棍點做野咖!!)。
|
活動
|
南丫牛屎 |
|
日期
|
2006年11月12日 |
|
時間
|
1200 - 2000 |
|
地點
|
南丫島 |
|
釣友
|
小星、世南、健健、流哥、阿蟹、Danny、南華 & friends |
|
好耐都無出礁磯釣喇，今日終於都等到出次港水 - 南丫島。 自從係9月尾開始吹起東北風之後，我地就不斷咁等…其實係收風，睇睇邊度既釣況比較穩定。 但係心目中想去的地點既釣況都係比較差，只有南丫島好似唔錯，有細麟雞魚絲立牛屎黑沙…仲 有仲有，就係最吸引人既白立，體型仲要係ok size!!上到水的都有三斤，仲要斷了不少(阿麟，你 支2號新白棍點做野咖!!)。 |
| 總結左以上種種，好!!一於吹雞出發南丫島~~大漁磯社行動組出發!! 今次好好彩可以籌夠人出大船，係西環坐大雄船去，開始食風的一天…準時係12:00西環出發， 20分鐘左右就到達南丫島。 |
 |
 |
大雄: 而家吹緊東風，今晚會再返大d，想上乜位呀你地… 世南: 返去上次粒獨石囉 大雄: ………(感嘆!!) |
| 第一組上礁係健健同流哥，跟著就係南華同南華朋友…11人分5組上礁，十分安全。 今日南丫島非常熱鬧，計一計最少有40幾人上礁磯釣，最後一組上礁既係我同阿蟹。 上礁時吹正東4-5級左右，釣側風小內灣。 雖然無世南上的一粒出水石咁當流，但係算啦…大雄 車左一大圈都搵唔到位比我上，上到個小內灣算ok啦，咪唔釣白仔釣牛屎囉…橫掂釣白仔傷竿… |
 |
 |
開誘餌-開竿-開撈箕-試水深-調阿波…整左一大輪，但係個感覺有d怪怪地。 心想:死啦，太耐無釣喇…無左個感覺… 回望阿蟹，雖然係第一次同佢上礁釣魚，但係對佢都有信心，因為同佢釣過幾次休閒星鱸團，仲 要釣到10斤星鱸…天無眼!! |
| 剛開始釣時風流同調，幾好…但係風就真係幾大，要好努力控制釣組唔比面流影響，誘餌分別打 係腳邊&流頭位置，釣組順放入兩竿外流中，等待日水既絲立&雞魚仔…釣餌順利進入釣棚，但 係無預期中既魚訊出現，心想:死啦，又無左個感覺… 細想下可能風+流都向灣心流去，引誘唔到比較灣外既絲立&雞魚仔。繼續努力!! |
 |
 |
睇睇世南，個位好正…不過真係幾大風…有d辛苦 健健同流哥呢?? 無乜動靜。 唔通又係要熄燈先黎料?? 突然之間，飛波爽落…我大叫一聲：哈哈…仲唔到我?? 抽竿…頂…收……斷……好快，一切都發生得好快…3秒都無，都唔知係咪發緊夢…幻覺黎咖!! |
| 我:『點會咁咖…食得咁貼石邊咖…追線都追唔切』 風同浪都越來越大，再加上夜晚漲潮，增加左難度。 追打多幾殼誘餌重綁子線(2.5號轉3號)， 忽然間阿蟹大叫：『阿星，睇野啦!!』 1.5號Daikok魚竿滿弓頂魚，條魚飛出飛入…阿蟹起身/坐低， 起身/坐低幾次後就由我撈起條牛屎 ，大約2斤半多少少。 影相入袋放養。 |
 |
 |
睇睇世南，應風倒地…吹到頂唔緊喇…健健同流哥加埋Danny，食風中… 算啦，今晚應該無運行啦…晚黃一人一口漁訊差不多啦…又咁大風… 忽然阿蟹悶叫一聲：『啊~~~』 衰仔咁快又中魚?? 但係10…9…8…7……3…2…1…斷左!! 呢條好兇狠呀…無得還手…%$&@&$#@#@#!*&^$……(下刪200字粗口) |
| 當時我既心情真係跌到落谷底，點解咖…d感覺去左邊呀…天呀…媽呀…點解次次有得釣魚都天 氣差+打龜咖…正係無魚問蒼天之際， 蒲島單錐鬼鼠地緩沉沒頂…唔理喇…抽杆…頂頂頂頂…過 頭追線再收收收收…哈哈…抽左離底你仲唔死??不過用支新杆唔係太順手，取魚時有d驚險，要 zoom出頂魚，不過都順利入網~~Yeah!!新杆開齋…唔該阿蟹幫手撈魚!! 終於都到我喇…等都天黑先有呀… |
 |
 |
遠處隱約見到Danny都同時中魚，由流哥撈魚。好!!仲有得玩，繼續…睇睇世南，
繼續應風倒地 …繼續吹到頂唔緊…終於，去到7:00p。m。 誘餌打完，吹哨子完場。 收拾一下之後開風擋開爐煮麵食，成個下午都好努力，無休息到，趁等船前食個麵先。剛剛水滾 ，大雄忽然出現收礁…無辦法，唯有落船食麵…慢慢逐個位收齊返西環碼頭解散。 |
| 其實今次都唔算好好魚，可能因為返左大東風，令到作釣非常困難…大風+大湧+慢漲，好在錯 有錯著上左大內灣位避風，先可以有魚中到。 好，遲d再出過… |
 |
|
文: 小星
|