緊係喇﹗俾阿有遙遙領先，唔出外礁點樣追呀﹗
由於阿公掛住洞房（結婚先係~~），所以出席唔到今次既比賽。另一方面Bobby剛剛夾到放假，所以第一時間報名參加﹗2004年09月26日0730，我、翁小朋友同Bobby一早到左一仔集合，之後健健跟世南相繼現身。我地將架生放係一仔就走去食早餐，食完早餐就拎晒大家既蝦蝦、粉粉到碼頭。
|
活動
|
大 漁 磯 社 2004 秋 磯 會 內 賽 |
|
日期
|
2004 年 09 月 26 日 （星期日） |
|
時間
|
0900 - 2100 |
|
地點
|
担 竿 列 島 |
|
釣友
|
翁小朋友、世南、貓魚、Harry、Bobby、阿有、阿麟、健健、小星 |
|
話咁快又到左2004年秋磯會內賽，開會既時候大家一至決定比賽地點為擔竿。 緊係喇﹗俾阿有遙遙領先，唔出外礁點樣追呀﹗ 由於阿公掛住洞房（結婚先係~~），所以出席唔到今次既比賽。另一方面Bobby剛剛夾到放假，所以第一時間報名參加﹗2004年09月26日0730，我、翁小朋友同Bobby一早到左一仔集合，之後健健跟世南相繼現身。我地將架生放係一仔就走去食早餐，食完早餐就拎晒大家既蝦蝦、粉粉到碼頭。 |
| 0830上船出發開始今日既比賽，抽籤就係船到進行。各隊分別為：Team A（我同Bobby）、Team B（阿麟同Harry）、Team
C（小星同阿有）、Team D（健健同世南）、Team E（翁小朋友）。大家好順利咁依先後次序上到心水位置…… |
 |
 |
一上到礁我立即開好誘餌，打左兩手係腳邊見到有泥猛出現﹔係開竿既時侯就同Bobby相討今日既策略。我開好竿試下遠投就立即中魚，收上來係條斤級既青旗。Bobby仲話有冇咁快趣!?跟手第二口餌就中條磅頭幽面……見咁快有魚埋，Bobby快手快腳開竿釣埋一份。第一口餌Bobby就中到幽面，其間仲釣到青旗、白毛、紅尾冬、拉侖，真係可以講句：『爽斃~~~~喲﹗』。 唔駛幾耐，我地個冰箱都滿滿地。釣釣下有幾次發現我既釣鉤冇估失蹤，初時我仲同Bobby講話有潛水艇出現。突然間發現有灰色生物同泥猛係腳邊一齊搶誘餌，『牛猛呀﹗』我大叫。打多幾下誘餌，見到為數5、6條牛猛『Bobby做野喇﹗』 |
| 我地立即改變釣法，好快就已經中到一條，我既CRS 1-53差唔多滿晒弓，收到佢埋腳邊佢又爆過，仲打平個身游，又帶又泵先上到水。可惜收到腳邊準備撈魚之際，佢反多兩反就甩口…… =_=' 為免牛猛群被嚇怕，立即補多幾下誘餌先﹗好在牛猛群完全進入瘋狂索餌狀態，好快Bobby就已經中到喇﹗我打兩下誘餌就放低魚竿，拎支撈磯走去做我既強項……撈魚喇﹗見條牛猛係Bobby支最強GURE 1.25-53之下完全發唔到圍，再加上我既純熟手法之下，牛猛束手就擒﹗由於見冰箱已經爆爆地，所以將佢轉介到後面既拘留池﹗ |  |
 |
見機不可失，立即又去釣過先﹗後來我地作釣其間見到輝哥係我地後面山頂出現，原來佢地就係轉角位釣。不過佢地那邊釣況唔係太好，只有紅尾冬、白毛同小量幽面。由於我地比緊賽，所以我唔方便叫佢地釣埋一份，而輝哥亦都好通情達理，真係唔該晒﹗釣到十二點到，其間我地加加埋埋大約甩左十口牛猛，差不多全部都係收到腳邊先甩﹔冇法喇，佢地咁口硬，真係要少少運氣先得咖！而成功上水既有四五條。我同Bobby都已經釣到手痺，大家一齊拎住野飲走去做攝石人。 |
| 休息個陣玩下對講機，知道大部份人都釣到幽面、白毛、青旗等水面魚。我同Bobby估如無意外我地都應該入三甲喇﹗其實今日有咁既釣況，就算入唔到三甲都好好玩喇~~~~ ^o^﹗大約點半鐘礁艇出現，我地決定唔轉位﹔因為我地既釣場都好適合釣夜水，順便唔駛行黎行去可以休息多一陣。休息到兩點幾我地又開竿釣過，初時認為咁耐都冇打誘餌，牛猛都應該走晒。但係牛猛原來唔捨得我地，當浮波一落水牛猛又出現喇﹗於是我地又開始向牛猛埋手，唔駛好耐已經又釣到兩三條。見三竿距離有野，而牛猛又收夠數﹔所以便唔釣牛猛轉向三竿外那些生物打主意。 |  |
 |
我同Bobby都係玩全遊動，見有魚訊但係食得好精口。於是拋出釣組後收緊虛絲去掌握那一訊間既魚訊，好快Bobby就已經中到﹗條魚高速向Bobby既腳邊，咁走水法一定唔會係幽面，一條腳版size白毛上黎報到﹗原來有成機白毛俾我地d誘餌引到去三竿外既攪流位，不過最大都係磅頭。就放你地去拘留池到坐下先喇﹗四點左右我地個拘留池已經魚滿之患，我地決定提早收竿攪飲食同埋準備夜水既裝備。跟手就安排戰俘既悉放程序，所有幽面、白毛通通返去同家人團聚，唯獨那些仙遊既就入冰箱喇﹗ |
| 飲飽食醉之後……好快就進入重頭戲夜水喇﹗由於對象魚係細鱗同紅鮋，所以我地主力釣腳邊。黑齊冇耐就成功釣到一條斤裝細鱗，可惜只此一條……加上清勁側風攪到我地條主成日掛石。有次當我既丫波成功被救回之後，重新再縛好釣組再釣過，點知立即又掛過﹔仲做埋Wilson捨我而去添…… >.<而Bobby亦都損失左一個丫波。惡釣一輪都再冇魚訊，見時候唔早，就咁樣結束左我地今晚既夜水活動，收竿準備走人。 |  |
 |
又係對講機時間，知道小星釣到一條秤兩次有三斤既細鱗、阿有被姦左兩口。而其他人因為轉位就失去聯絡……好快礁艇就已經出現喇﹗上到船已經見到健健、世南、Harry同阿鱗，大家都釣到好多幽面、白毛同青旗。其間都碰到牛猛出現，而健健都有釣到牛猛。之後就走去接其他人，幫手傳野上船發現大家既冰箱都唔輕，嘿嘿……大家釣況都唔錯，今次上到碼頭就有得玩喇﹗ |
 |
返到碼頭，大家第一時間拎d戰利品出黎，嘩~~好多魚呀﹗小星條鱗（釣到個條）都唔細條喎~~~唔錯唔錯，有斤十幾。主力大家都係釣到幽面，磅頭至斤頭都為數唔少﹔就咁樣結束左今日既會內賽。最後秤魚既結果就係：冠軍貓魚、亞軍Bobby & 季軍小星喇﹗ |  |
|
文: 貓魚
|