活動
 大漁磯社2003第三季會內賽
日期
 2003年09月28日（星期日）
時間
 1200 - 2130
地點
 南丫島
釣友
 阿公、貓魚、小星、世南、Harry、健健、柏柏、阿有、Edwin、阿樂、Bobby


今次都好成功，多得各位大漁磯友幫助先得喳，話說比賽當日天朗氣清，水流和風都好適合磯釣，我地一班兄弟相約在上環食午飯後再到釣魚舖囉蝦和粉，向西環豬籠咀出發，當時HARRY，EDWIN同BOBBY已經一早到左，跟住各人開始分蝦分粉等等開始做野，好快就安排好一切等阿公阿有同船到.

當船到左之後，各人好快就將所有野搬晒落船，然後就係船度抽籤拍邊個，小星係食飯時好強調自己兩次都抽到好籤，都可以上到理想既A位，"晤，今次抽到都唔上A位啦，以我既實力使乜一定要上番o個個位先有魚呀，邊道都有魚啦，"小星話.

點知小星再次咁幸運又抽到A籤，重拍住老友阿樂哥添，佢好開心咁話"好野，又可以上番A位啦，哈哈."o下，乜你唔係話唔再上A位咖咩，唉，果然係飛機星，真係無講錯咖.


跟住阿有同HARRY抽到B，然後就係貓魚拍BOBBY，柏柏就玩騷勞，不過佢最後揀左拍住阿有同HARRY上一個位，阿公同EDWIN一啤，最奇就係我同健健，第一季大家都抽到E籌拍住，第二季又咁蹻又係抽E籌又拍住，今次健健話唔好咁邪呀下，點知.........唉，............真係避都避唔甩呀，唉......天意.

好啦，抽好就揀位啦，首先小星揀番個食糊位，點知.........o下......有人上o左先，邊Xo個呀，你老母丫..........小星話，不過人地係個位過小小，都唔係你個位，當佢考慮緊上唔上既時後，我地立即話上唔上，唔上B籌上，咁......小星終於放棄佢個食糊位讓左比阿有同HARRY，柏柏上.然後貓魚啦，小星啦，阿公啦， 到我同健健就最後先揀到向擔竿既一個位，


上到位之後我和健健立即為自己中魚而好快咁開竿，健健視察一下環境之後就揀左一個石口好鞋既靚位，我就揀左一個斜場位，貪佢中魚唔會咁易過石，無幾奈健健就係咁中細魚仔，我就開好竿之後就放左幾口餌，突然間有一下力拉竿頭之後就謝左，囉上黎睇下原來係一條超小好可愛既幽面仔，我話比健健知，佢話有細就有大，於是佢將浮波飛出去，點知真係比佢起到一條差小小先夠20CM既幽面，無幾奈我又中一條過左20CM小小既幽面，跟住到健健又中一條大D既幽面，好可惜因為泥蜢太大咬所以唯有坐埋一面避一避火熱既太陽，囉支DAIKOH名礁1.5號出黎開竿等天黑，無幾奈天色慢慢陰暗，重可以見到野既時候突然聽到健健大叫哎呀，世南呀，嘩......好慘呀，......嗚...斷左一口好堅咖.......嘩...超過兩斤咖.....唉.


唔緊要啦健健，再黎過啦，我講. 無法啦，再綁過條籟腳啦，點知.........過左大既15分鐘後又聽到健健大叫"啊，世南呀，我想死呀，"原來佢又再斷多一口勁野，嚇!

"無理由你個度有我無既，"我決定係原位唔過去健健個度，天已經黑齊啦，我等左好奈都無乜生物存在咁，唉，無乜心機，忽然見到條絲蹺左竿頭，好，鬆下支竿甩番條絲先，點知"o彭"一聲............下........死啦.....斷.......斷...左支....竿頭.......唉.....重慘過健健.......唉無計啦....得番支06加馬......唉...點釣夜水呀，


好，06就06啦，2.5主加2.5籟，搏一搏啦，無幾奈，係腳邊既浮波慢慢沉落去，我等多一陣等佢食實D先抽，一抽一帶張條魚帶左出去開D，唔好咁近舊石，初初條魚都好好反應，不過兩三下就比我KO左，落撈磯撈條魚上黎睇睇，哦，原來係條牛牛，都有一斤鬆D，晤.......幾好，不過.........都係小D....最好就係釣多一條......咁就穩陣勒，於是再努力過.........至到收礁.......都無....睇下健健....悶到好似I I咁.....訓著左.


到接晒D磯友時，一齊返到豬籠咀秤魚，阿有囉左一條白立仔出黎，嘩.....都成斤咖，到貓魚都囉左一條差不多既白立，我見到之後就知道大局已定，今次重輪唔到我，嚇..........打低個飛機星...哈..佢一條魚都無呀，

今次會內賽大家都玩得好開心.....希望下次....最後一次會內賽更加玩得開心啦，下次見.


大漁相集
大漁報告
文: 世南