講返正題，今次除左我、阿公﹔重有小星同阿榮參加。0330我、小星、阿榮和一位釣友係西環珠龍咀上船，之後到愉景灣接人，最後到坪洲接阿公和幾位坪洲釣友。係坪洲碼頭分好蝦之後直指蚊洲﹗
|
活動
|
大漁艇磯隊 |
|
日期
|
2003年08月03日 |
|
時間
|
0330 - 1600 |
|
地點
|
蚊洲 |
|
釣友
|
貓魚、小星、阿榮、阿公、阿有、阿貴、坪洲釣友 |
| 今日好開心呀﹗係阿公有心有力之下……係勞心勞力先真~~~~終於可以玩艇磯喇﹗之前一早收到風蚊洲爆釣青物，可惜總夾唔到時間出去做野。本來上一個星期日約了阿公一齊去攪攪佢，點知又整個天鵝一號波冇得玩。今次真係守得雲開見月明﹗ 講返正題，今次除左我、阿公﹔重有小星同阿榮參加。0330我、小星、阿榮和一位釣友係西環珠龍咀上船，之後到愉景灣接人，最後到坪洲接阿公和幾位坪洲釣友。係坪洲碼頭分好蝦之後直指蚊洲﹗ |
|
 |
因為成船釣友都想玩艇磯，所以分左上下半埸。我、小星、阿榮、阿公、阿有、阿貴玩下半埸，其他坪洲釣友就離個早場玩。天都未光就已經到左蚊洲，我地揀左北尖幽面石離釣，希望可以爆釣幽面，事關早前幽面既size都唔細。阿公、阿有同阿貴就上左左手面既磯位，而我、小星、阿榮就釣右手面位置。上到礁我立即開餐，而小星就忙於準備二人前既誘餌，阿榮就開支新竿出離用。之後小星都開支新竿，就係個支自作業 - 『ISO Tournament 星 Limited』出離玩。當大家都準備好晒天已經魚肚白，係時候開工喇﹗ |
| 大家都將目標設定為幽面，所以我地全部都玩全遊動順住水流去釣。雖然水流好弱，不過好快阿榮就中喇，收上來腳板幽面一條﹗我地全都以為冇死，幽面咁早就開餐。可是魚訊並不熱烈，零零星星隔成四五個字先得個一兩條……好在大家都叫有中過魚，小星都叫做試到佢支新竿﹗1100準備上船玩艇磯，幽面總數：我 x3、小星 x3、阿榮 x4。 |  |
 |
上到船坪洲釣友話倒甲池大咬，每人平均起到十幾廿條，不過要放到好遠先有。上到船走去船尾個冰箱八下，嘩~~~好血腥呀~~~好多碌倒甲池呀﹗去到三本岳已經見到有另一隻船係到玩緊，大雄立即將船駛去流頭落撈。我地撈都未落好就已經見到另一隻船既釣友中魚，亦係釣到倒甲池。我地落好撈之後阿貴立即用GTR中魚，3號竿老強斤頭倒甲池上水﹔之後阿有都好快又中到倒甲池。後來流水改變，大雄立即起撈走去流頭位置。 |
| 轉位後又係阿貴立即中魚，因為六個人一齊艇磯比較迫，所以我走上船頂到釣。好快小星中到幽面，小星魚都未解好輪到阿公中喇﹗正當阿公收緊之際，到我喇到我喇﹗由於要放到成3、40m先到排口中魚，我地車輪手係咁收條倒甲池上離。之後阿公有一口魚訊係收緊絲個陣砌埋離，可惜可能食得唔深甩口收埸。其間輪住中魚，唯獨阿榮冇魚光顧﹗ |  |
| 因為當日好晒又冇海風，釣左一個鐘鬆d我就開始頂唔緊要走入船艙小休。之後見阿榮都走埋入離，我問下佢有冇事？原來佢有d暈船浪加上又晒又冇風，阿榮既HP同EN直線下降，心口既警告訊號係咁係到『DE．DUR、DE．DUR……』阿榮就離頂唔緊喇﹗而其他人係出面繼續努力起魚。我同佢休息左差唔多半個鐘，開始儲返d HP同EN後又返回作戰崗位。 |  |
 |
返回作戰崗位之後我又起到兩條魚，一條係幽面、一條係青磯。之後阿榮都中到倒甲池，佢重係到講：『中到魚就咩都返晒離呀﹗』我跟住攞部DC出離話要拍返d中魚片先﹗小星同阿榮立即開工，一齊中魚。我係到拍個時兩個人樂在其中係到WE嘩鬼叫﹗哈哈……完來幽面兩匹。之後阿有都有魚中，我本來林住拍野既，不過後尾完來部機冇電拍唔到﹗咁大食，下次要帶多d電出離先得喇﹗
開心既時間過得特別快，又係時候講拜拜﹗完來已經夠鐘收礁。收礁後得知坪洲釣友釣到幽面，而其中一個位重釣到白毛添﹗今天大家既收獲都唔錯唔錯…… |
|
文: 貓魚
|