好悶呀~ 打比強強先：「喂？ 強強呀？ 今晚釣唔釣魚呀？ 今晚D立話同我做冬喎！」 強：「今晚？ 唔喇， 要教拳呀！ 睇下點先啦！」
唉~咁算啦，自己去釣啦。一點放工，拿拿臨返屋企拎野…點知支支整整攪到四點先出門口，上到車，呀強打黎：「健健，係邊呀？(去緊囉)我今晚都係唔釣喇！唔得閒呀！(原來去左做司機！)」※記住！佢話唔得閒唔釣嫁！！

五點鐘去到釣點，拿拿聲開粉開竿釣晚黃，頭個幾鐘都冇乜魚訊，都係D坑廉上水，到左七點幾，終於有口似樣既魚訊，飛波！一揪，咦？有D野喎~不過都敵唔過我支A-one 05，一野上水，原來係條6-7兩黑沙，開始有返D心機 ^_^，跟住陸陸續續都係坑廉攪攪震…不久呀強又打黎：「健健~ 釣到D咩呀？ (冇呀~ 得條6-7兩同十幾條坑廉囉) HAHA!! 你同D坑廉做節咩? ($%^!@%! 係呀! 你過唔過黎呀?) 唔喇！！！」 個死仔強聽到冇魚就收線，繼續努力，又係坑廉… 唔通我打果D係坑廉粉？到左八點，咦？又飛波？？？一揪！嘩~ 勁呀！！左片右片，我左頂右頂，嘩~ 滿弓喇~ 再頂！！~ 見到魚影喇~ 好在有帶撈箕, 入網~ GOAL~~ 2斤黑沙，新水藍尾好靚仔！！HAHAHA打比阿強先：「喂？強哥呀？2斤黑沙點整好食呀？HAHA (強：「2斤咁細？放左佢啦！…健健？你係邊個位中嫁？釣幾深呀？好唔好力呀？話比我聽丫…健健~」你過黎咪知囉！(唔喇， 都係唔喇！」再繼續努力，過左半個鐘到，又飛波？中！！一手都唔比飛左上黎，半斤黑沙，當我飛魚上黎既同時，見到有個人行緊過黎，冇錯！係呀強呀！HAHAHA… (又話唔黎既？？？)

我解完條魚，呀強已經開好竿！(HAHA… 洗唔洗咁快呀？)跟住就講解一下頭先中魚既過程：「喇~ D坑廉呢，個波就會上o下落o下既，如果係立呢，就飛波嫁喇…知唔知呀？強仔？」 冇幾耐，都唔夠十五分鐘，阿強個00號浮波就慢沉， 坑廉？但個波突然一支箭咁飛落去！健健：「立呀~ 仲唔揪？」阿強一揪！真係中喎，條魚即刻向外飛，支A-one1號滿弓~ 唔通堅野？我立即拎撈箕,，點知呀強玩兩手條魚就現形！一撈，磅頭黑沙，死仔強偷我D魚？！之後果一個鐘坑廉大咬, 釣到十幾廿條, 全部放『生』！！ 跟住再釣釣下，望下隔離釣魚…再望返轉頭，個波呢？？更係即揪啦，又多一條手板黑沙…KEKE…此時，原本阿強要22:15車去接女朋友都釣到22:30先肯走，阿強叫我等佢返黎拎相機影相，唉~ 點知一等就等左成粒鐘！！！不過今晚都算幾好收獲！！