名手小星篇

一開始要同各位講，今次活動我地都玩得好唔開心，有好多事發生，但最後都齊齊整整、平平安安咁返，總算可幸。
下午二時半，大漁磯社等人準時到達碼頭集合而阿強的朋友(Ken同阿強)兩點九出現，而部分西隧釣友亦到達。大家一輪吹水後，不知不覺已經係三點喇，Jimmy預早約定既大眼��(木頭艇)亦到達，因Jimmy等幾人遲到，經商議後我們十人加三個西隧釣友人先上艇出發，其餘的西隧釣友則留在碼頭等候Jimmy。

原本可以出發的第一艇，出發途中Jimmy來電，之後船上三個西隧釣友又不知何故要堅持等到另一艇到才出發。幾經波折終於在鴨�c州完成分艇事宜，原本坐第一艇的三個西隧釣友轉到Jimmy 艇(第二艇)，然後換入另外四個(譚威、亞添、亞黃、陸朱)。

Jimmy："你地隻艇出南丫島呀！"
小星："�鵅H咁你地呢？"
Jimmy："你地隻艇係出南丫島呀！"
小星："咁你地呢？"
Jimmy："……………………."
某西隧釣友："我地唔去南丫島喇，出擔捍呀！"

如是者，今次既活動就變成大漁磯社去南丫深灣交流，西隧釣會去赤柱發射塔底(所謂既牙州)交流。
行行重行行，緩慢既大眼�◇C慢咁爬出鴨�c州，再爬過東博寮海峽到達黃竹角。突然間，艇佬大喝一聲：" 全部趴底，同我趴底！有差佬呀……"

事出特然，各人不知所措下照艇佬指示趴底，過左大約十五分鐘左右，水警才駛開。
細問下艇佬才不好意思地講出該艇的合法載客人數是六人，而我們一行加艇佬共十五人，嚴重超出法例一倍有多，如果有什麼意外發生，可能死左都冇得賠，咁既安排，真是有點兒那個……

經過一番波折(足足一小時多)後，終於都到達圓角，我們先讓西隧的四位釣友先上礁，位置是圓角入深灣口礁位，小白及Harry上大角入深灣口礁位，小星、貓魚、ET、"四強"(四個阿強) 等上大角右面內灣。
上礁後天氣都很好，釣位的現況跟預算中一樣，但下午時段幽面欠俸，還有很多小池魚盜餌，阿強有見及此2號中通SZ遠征唔用，改用支"皇者釣桿"(A-one Special Limited 1-530)加上一套八鉤、賤格無比既魚皮仕掛彷下彷下……唔使三分鐘，一串八條既小池魚就已經由下至上、左至右咁整齊排列好乖乖地上左鉤喇！

貓魚有樣學樣，又用支CRS VS FF1-530玩魚皮仕掛，貓魚：" 一串八條先至有feel呀！"
玩到咁上下，天亦開始黑。小星唔玩Ха競技，轉支1.5-48/54 中通XL玩，搏下有冇底物，貓魚亦收起CRS同魚皮仕掛，開支舊裝特級VS T2-530黎玩，目標亦係底物，ET就仍然玩支BB-X XT 1-530 guide，阿強就玩2號中通SZ遠征，輝就同下午一樣，最粗就係胡強，3號大磯，誓要同d底物死過！

"叮！" 鐘聲一嚮，小星先中半斤芝麻一條，跟手貓魚中ok size 小�﹛A同時間胡強用3號大磯撬左條斤半牛屎上黎，之後阿強2號中通SZ遠征中動力火車拉不回頭過石飛斷，兩分鐘後再中一口但爆咀，漁訊又係胡強既浮波出現，一斤裝牛屎被強姦上水，再跟多兩條細鱗及小�﹛C

開心時間過得特別快，又係時間執野快！

雖然釣況不差，但距離收礁時間很近，大家都不敢貪釣，全部人於21:15已收拾好東西準備收礁，但時間一分一秒過去，收礁的木頭艇仍未出現。

21:30…21:45…22:00…22:15…終於收礁的木頭艇出現，但……奇怪的是，為什麼沒有艇頭的探射燈既？ 全艇漆黑一片，艇上的頭燈或暗或明好不混亂，再加上晚上起風起湧，收礁變得極度危險。試問大家有冇試過在起了風的大角，晚上用木頭艇收礁而全艇漆黑一片(探射燈壞掉及艇佬不准開頭燈)，再加上艇佬打死不頂礁及埋礁技術差勁(可以用" �咩A命" 黎形容)……大家可以想想係幾危險，簡直險象環生！木頭艇一靠近礁邊就馬上退下去，大家一就是怕跳不到上艇頭，一就是怕被艇頭壓斷腳，"就算大風浪到好似澎佳嶼，都冇咁危險呀！"：貓魚高叫，我們的位置一行六人幾經波折終於平安上船，但點一點人數，全艇尚欠兩人，是小白及Harry。
=-
他們的位置更加不利，這邊情況更危險、更驚險百出！正正面對東南面的大湧，艇佬根本不願接人，其間更問：" 再接唔到就聽日先接咖啦？" 胡強同貓魚齊聲：" 接唔到？報警咪接到lor！" 艇佬才硬著頭皮嘗試接人，但最後都未能成功，茫茫大海，怒海弧礁，唔通小白同Harry真係要乾柴烈火過晚夜？定係好似周杰倫-可愛女人第一句咁：「想要直昇機……」

經過一輪電話商議後，大家建議小白同Harry爬山到左手面的位置收礁比較有利，終於爬到收礁位喇！Harry首先成功上艇，小白一輪長傳快攻後成功將所有裝備拋上艇，但湧浪亦不甘示弱，好幾次推湧木頭艇差點撞向小白，好在小白憑著三分技術、七分運氣在湧頂上成功跳上艇頭。
最後大家都舒一口氣，經過一小時的回程後，終於在00:10回到香港仔碼頭，結束今次的"大漁磯社 - 西隧釣會交流日"。

PS：經此一役後，我們(大漁磯社) 已達成共識，就是以後不再�M命搏，慳少少錢浪費時間去坐木頭艇出南丫、赤柱及蒲台，費時失事。而jimmy兄的做法又有點令我們失望，由原先相討好的深灣V字釣法，每邊上十二人……中魚後點點點…變做你有你既南丫，我有我既赤柱，大家冇乜亦不需交流，冇癮。開心的是能結識四位西隧釣友，大家能在有危險時一起應變，不會因初相識而不互相幫助，真是難得。(有空的話不妨找找我們出去吹吹風，釣下魚呀！)

貓魚篇

二○○二年七月廿八日，在我地大漁磯社離講係一個特別的日子。因為我地舉行第二次同其他釣魚網既文流日，而今次交流的釣網係……西隧釣會。

為了交流釣魚的心得和技術，增加大家友誼，所以我主動聯絡西隧釣會的Jimmy。而Jimmy亦都一口答應，完本想每個會做一次攪手，所以這一次全權由西隧釣會發版，由Jimmy決定交流日期同地點。

是次交流日Jimmy他決定係南丫島舉行。
本來打算上限十人，由於反應非常熱烈，西隧釣會一開始已經超額，有七人報名（點解唔係每個會出五人咩？）。而我地大漁磯社亦都很多踴躍，於是我便問Jimmy怎樣安排，佢同我講隻艇坐十七人都冇問題。之後越來越多釣友參加，於是
便加多一隻艇，人人有得出﹗交通ok左，咁就到釣點喇？成廿幾個人，企邊呢？點樣分位法呢？於是我又再問Jimmy，他說:

應該是乜角後一個大灣，我們在內灣用V形戰術，在灣之二岸分位上。估計打餌及聚集各人之誘餌，魚會入灣。這比分散開來釣有利。

而每邊十二人，約分四至六隊一面。中魚是有機會的，因為這二天下了雨，水溫降了，不過中魚時要大家互相幫手，補餌及作線，以免中魚上不到。

到時見！(摘自大漁磯社討論區26/07/2002)

如果你們需要分位，或自己找位上，沒有問題，艇家會車你找位上。不過我們多會聚在一早選定的灣內作釣。(摘自大漁磯社討論區26/07/2002)

話咁快又到了廿八號，大漁磯社一行十人除了阿強的朋友阿Ken&阿強1445到達之外，其他人準時1430到香港仔珍寶碼頭集合。那裡已經有多位西隧釣友，於是大家便係到吹下水、影下相等艇家出現。三點兩個艇家準時出現(原來係木頭艇)，而過了集合時間成半粒鐘Jimmy重未蒲頭……既然總人數26人，係碼頭都已經有半數13人，而西隧釣友們都以為Jimmy到左鴨利洲碼頭。於是1545我們便開船出發。大約1555左右，係我地船上其中一位西隧釣友的手提響起。原來Jimmy遲大到，成三點幾先到珍寶碼頭，於是另外一隻艇便折返去接Jimmy。既然我地都齊人，不過唔知點解接完Jimmy電話既西隧釣友極力要我們係鴨利洲等埋另一隻艇，初時我都以為Jimmy想一齊出發，點知原本係我地隻艇個三位西隧釣友冇厘頭走左去Jimmy隻艇而由另外四位西隧釣友補上。Jimmy重好權威咁叫我地俾錢艇家先位位六十。

-----------出發------------
好﹗既然有新面孔，緊係又吹下水先啦﹗我問他們出那兒釣，他們說去南丫。但係一出香港仔避風塘，點解我地隻艇靠右而Jimmy隻艇靠左既。再問一下船上既西隧釣友譚威，佢都話事前冇聽過話轉位，只知如網上所講出南丫釣。我再問他們係唔係最近先成為西隧釣友。不出所料他只跟過Jimmy玩幾次，今次他們已經成為Jimmy先生賣我地豬仔既犧牲品。成船人包括四位西隧釣友都覺得Jimmy既手法好有問題。不過我地冇去錯地方，我地係去---------------------南丫島﹗

見Jimmy隻艇行駛既方向，再跟其他人討論，如冇意外就係去佢地所謂既秘位牙洲。我地隻艇行到黃竹角附近，突然艇佬說趴底趴底，原來有水警係到。之後問番艇佬隻艇坐幾多人，原來只可以坐六件，嘩﹗成船人計埋艇佬十五個，超載咁牙煙呀﹗

去到南丫，首先四位西隧釣友上左圓角，之反後小白同Harry上左大角個面，我、阿強、小星、ET、胡強同阿輝六個就上左大角面向外海的磯位﹔而阿Ken同另一位阿強去左深灣入面釣。

開竿釣魚，發現好多魚仔攪，冇幽面出現。後尾原來係黃尾矢，阿強便立即開賤人仕掛，一放落去就中成六七條矢仔。於是我都開賤人仕掛離玩，又係一放就中幾條。跟住阿輝亦都開賤人仕掛玩埋一份。因為想一次過釣魚幾條，於是中左都唔立即收上離，等多幾條上釣先。不過咁樣就俾d矢仔攪到個釣組打晒結，要花一輪時間先至可以解開。其間阿強釣到一條中形石霎。

天色漸暗，矢仔收口。我同阿強都開番支2號竿出離做野，之後阿星釣到一條半斤芝麻。跟住到我中條腳板size雞魚，胡強用支3號竿老強條斤半牛屎。後來阿強中一口勁，Daiwa SZ 中通 2-530P、四號賴都制唔到一條海底慢遊既魚，最終過石攪掂﹗跟住阿強又中多一口，可惜甩口收埸，而阿強已經用晒Quota，再冇魚訊。反而胡強又強到條斤頭牛屎番離。再釣多陣，見冇晒魚訊便走去胡強個面偷魚，去到胡強已經釣到一條細鱗同一條雞魚。可是去到已經再冇魚訊出現，釣到就離九時便收竿。

我地2130收好野、影埋相、食完野係到等艇收礁，一等就等到十點多先出現。點解隻艇冇開燈既，用頭燈照下，即刻俾人鬧，大佬我冇夜視功能咖喎﹗由於那時大風大湧，收礁有一定難度。但係個艇佬冇理由唔頂礁咖﹗佢一去到咁上下就收車叫我地跳，最終我們都成功上船，不過阿強就慘，佢個絕版Daikoh誘餌袋連同打水袋撈磯框蝦插餌盒一齊落海，大風大流又大湧，試問以大頭艇既速度……唯有送上一句「遙遠的它，不可以再歸家……」

點解重差兩個人既？完來未接到小白同Harry，去到佢地個到，好心用頭燈係船邊打signal睇下小白佢地係邊，立即俾艇到問候……又話唔好照，又話睇唔到。見小白他們用頭燈回應，一望倨佢地個位，好大湧呀﹗隻艇靠近礁位，大頭艇加上艇佬既超凡技術更本無能為力。為有駛番出去林下點好，點知艇佬一句「接唔到就聽日先咖喇﹗」我即刻就話「報警啦﹗報警實接到﹗」艇佬立即收咀。於是我便打電話叫小白他們走去佢地左手面內灣一點既位置上船。艇佬見他們越爬越上就出聲「都上船啦﹗爬咁高做咩？」成船人異口同聲「阿叔﹗人地走去搵個好d既位俾你埋呀﹗」終於搵到個易d上船既位，Harry成功上船，之後係傳野途中，小白差d俾隻船夾到。好在無驚無險，各人平安回程。

係船到，譚威他們釣到一條兩斤幾細鱗同埋俾魚炸左支1.5磯竿。而阿Ken他們就釣到一條斤半黃立鯧、一條斤頭黃旗鯧。總算有d收獲。去到香港仔碼頭，已經係「零時十分」啦﹗

後記：今次釣魚活動，我就覺得十分之唔開心。什麼戰術呀、內灣呀、交流呀……如果係冇心攪就乾脆話唔攪。咁樣既安排，我地駛咩要等成半個鐘，又駛咩坐隻又慢、又唔安全、又超載(超載都居然口口聲聲話冇問題)既大頭艇，我地自已叫快艇好過啦﹗真係令我地好失望﹗

呀強篇

今次釣魚玩得非常唔開心, 前幾個星期大漁磯社約西隧釣會一齊出來作釣, 攪一個釣魚交流日, 藉此提高釣友的技術及友誼. 西隧釣會會長Jimmy一口應承了這次活動, 還做了本次活動的攪手.
西隧釣會Jimmy決定了以南丫島深灣作為次本次活動的地點, 還決定了甚麼釣魚戰略, 分位戰略, 又話分幾多幾多個位上, 一齊打誘餌, 希望齊齊谷d魚入黎.

到出發當日, 我早上收工後見到天上還有厚厚的積雲, 打個電話俾Daniel先, 佢話攪手Jimmy話艇佬話香港仔那邊好晴, 唔會落雨喎, 咁我就過去彩虹幫胡強同Daniel買蝦, 之後就即刻劈番入大圍, 沿途都好大雨, 原來係黃色暴雨警告及雷暴警告, 返到大圍後, d雲薄左d, 我約左胡強12:45pm在大圍新翠巴士站搭170出去.

2:00pm去到香港仔大快活匯合Daniel, 呀星及ET, 食完後就照攪手Jimmy預定的時間2:30pm在珍寶碼頭等, 去到時已見西隧的釣友, 呀Ken同呀強就黎緊, 另外西隧那邊仲話要唔知等船定等人, 最終要攪到成3:30先可以落艇, 嘩, 成14個人上一隻只可載6人的大頭艇?!! 落左艇仲話要唔知等乜咁等左一大輪, 今次交流分兩隻艇, 之後兩隻艇又再去鴨利洲接西隧的釣友, 我地船上的西隧釣友又過番去另一隻艇, 再黎番四個西隧的新釣友, 咁即係大漁磯社一隻艇, 西隧釣會一隻艇. 之後又聽到攪手Jimmy同西隧釣友話乜深灣就呢隻艇, 去邊度邊度就另一隻艇, 下?! 今次交流日唔係照佢原定話去晒深灣, 分幾多幾多個位咁一齊打誘餌谷d魚入黎, 又乜又乜咁咩?!

3:45pm, 等左一個半鐘頭, 鐘於出發了, 我地大漁磯社一船14人超載出發先, 之後見到西隧那隻艇唔係行去南丫島方向, 去緊佢地的所謂秘位牙洲, 即赤柱那邊的磯位喎, 唔係呀嘛?! 話明交流, 攪手Jimmy自己話一齊上晒深灣, 又講埋乜乜戰術, 宜家要我地等左成一個半鐘頭先再分艇分位釣?! 佢到開船的一刻都冇同我地大漁磯社甚至同我地同船的佢地四個西隧釣會新釣友講過, 跟住就去佢地的秘點, 咁樣點算交流呀?! 交流d乜呀?? 我地等咁耐又為乜呀?? 咁不如我地大漁磯社自己攪活動, 駛乜等咁耐後又超載咁出艇呀?!

我地一船14人在海上慢慢拋下拋下咁出去, 中途見到水警又要扒底驚俾佢見到超載, 用左成個鐘頭先去到深灣揀位, 首先上礁的係西隧那四位釣友, 佢地上左去圓角向深灣的一內灣位, 之後就係呀Mark, Harry, 佢地上左圓角對面即大角屈入深灣的一個斜台, 時間無多, 之後到我, 胡強, 呀星, Daniel, ET及呀輝一齊上晒大角向外海的一排位. 呀Ken同呀強就入番深灣的一個靜水位.

約2:30pm成5:00pm先上到礁, 仲要搞咁多野出黎, 大家都非常不滿西隧釣會會長Jimmy的處事手法. 唔理咁多喇, 一於爭取時間釣魚, 開完誘餌後, 開支2號中通SZ, 5主3子.

開始釣, 腳邊有好靚的抄白位, 水一直退, 但好大的側風, 使釣魚有少少困難, 大家都好快咁俾魚盜餌, 但又唔見泥孟球出現, 應該唔係泥孟盜餌而係另一些游速較高的魚, 因為消餌的時間太快了, 好快就有答案, ET首先釣獲一條黃尾矢, 其後Daniel都有釣獲, 差唔多6:00pm, 盜餌程度還非常嚴重, 一於開支A-one綁個矢魚釣組落去玩, 下放落去即中, 先抽兩條上水, 但仲有好多個空鉤, 一於唔解呢兩條, 再放番落去, 不出5秒, d拉力爭強, 收上黎睇睇, 成6,7條同一時間上水, 好玩非常, 解魚放落水池即時再放個釣組落海, 唔駛5秒又6,7條一齊上水, 呀星見狀即時過黎輪住玩, Daniel就自己綁個矢魚釣組去玩, 呀星就玩到我個釣組抄晒粉, 要我解一大輪但最終要剪左一大部份, 得番4個鉤, Daniel玩了一陣後又抄粉, 呀輝又開個矢魚釣組黎玩, 我今次抽中, 條魚向橫走, 幾好力水, 原來唔係黃尾矢, 而係大石霎, 之後呀輝就用矢魚釣組中白毛仔.

6:30pm矢魚收口, 水退盡返漲, 開始收風, 我就轉番支2號中通4號子線釣腳邊, 呀星中魚, Shimano 1.5號XL好快就頂到條魚上水, ET撈魚, 半斤芝麻斑. 之後到胡強中魚, NFT 3號大磯頂魚撈魚自己攪掂, 差唔多兩斤牛屎上水, 放去我後面的水池後又再黎過, 今次Daniel中魚, 2號舊版SZ中通頂魚好快上水, 我撈魚, 6兩雞魚一條, 今次到我喇, 我粒波在腳邊一直跟流向右慢行, 跟住慢慢下沉, 一抽, 中魚, 開頭條魚未發力, 我收幾手, 點知一收, 條魚就慢慢咁向左邊腳邊挫, 好大力, 我就跳過左邊的石再收多幾手, 佢又好好力咁慢慢挫, 之後成個釣組彈番上黎, 2號竿5主4子都頂唔住條魚俾佢過石斷, 可能係大細鱗呀. 即時補幾下誘餌再綁過隻鉤再投入腳邊流頭, 今次在一位置浮波又沉, 我一抽, 條魚又一模一樣咁向左邊暗礁飛, 今次我頂行d, 又成個釣組彈番上黎, 睇睇釣組, 原來係爆咀甩口, 即時冇晒心機. 呢個時候胡強又起多條磅頭牛屎立, 再起多條半斤細鱗, 六兩雞魚, 個人表現威盡全場.

8:00pm天黑齊, 之後就冇乜魚訊, Daniel就轉位轉去胡強邊偷魚, 但一無所穫, 8:45pm我開始執野走人, 因約了艇佬9:30收礁. 執好野影相食野等艇佬, 等到成10:00pm艇佬先黎, 原來佢之前去左接呀Mark, Harry但太大湧接唔到, 我地腳邊都好大湧, 隻艇船頭的大燈又壞了, 艇佬又唔俾艇上的釣友開頭燈, 佢話開左就見唔到岸上的我地, 埋唔到, 我諗艇老太老有老花, 之後先驚險呀, 怒海逃生開始........

隻艇一埋岸就即刻停機, 靠個湧推隻船埋礁, 完全唔頂礁, 我地要趁呢一秒都唔夠的時間, 每次拋一件物件上船, 點知我一拋, 船上釣友又唔接, 大風一吹, 我個絕版Daikoh誘餌袋連同打水袋撈磯框蝦插餌盒一齊落海, 大風大流大湧, 當然唔駛執啦, 肉都赤埋. 每當隻大頭艇靠湧埋礁後, 隻艇就會俾個湧帶番出去成幾十米外, 老花呀伯艇佬就再唔俾開燈摸黑埋礁, 埋到礁先靠船上的釣友用頭燈照明, 用左差唔多半個鐘, 我地呢個位的6個釣友先可以很"不安全"咁上晒船, 跳礁的一刻, 雖然著住救生衣, 但心都很寒, 出外礁都冇咁危險. 之後就再番去呀Mark的位接佢地, Daniel在船上一開燈就俾船家用粗口問候, 埋到礁邊, 見到佢地企好高, 超級大斜台, 超大湧冇可能埋到, d湧仲成幾米上落, Harry的下半身俾個湧完全打濕. 此時艇佬講出d非常不合邏輯的說話:"接唔到呀, 聽日先接啦", 跟住Daniel大喝:"報警咪得囉" 之後在外邊Daniel用漫遊打俾Harry的漫遊, 叫佢地行山去另一個冇咁高的位上船, 雖然今次佢地個位冇咁斜, 但都好大湧好難埋, 艇佬又唔頂礁, 又要搞一大輪, 最後呀Mark差d俾個湧帶隻船撞埋身. 11:00pm, 各人終於很"不安全"上晒艇, 此時得知西隧釣會在牙州九點幾已釣完返岸, 我地又要逆風行船, 又拋又慢咁用左成個鐘先返到香港仔, 個個都好唔舒服. 12:10am先上岸, 個個都趕尾班車返家, 我同胡強就趕唔到尾班170, 要搭貴成一倍的通宵車N170. 明天仲要返工呀!!! 最後2:00am先有得訓.

呀Ken釣獲一條差唔多兩斤的黃立鯧, 好肥仔, 但佢走得太快, 影唔到相, 西隧新釣友就釣獲斤半細鱗, 另外炸左一支竿起唔到, 呀Mark就一條幽面, Daniel一條雞魚仔, 我就斷一口甩一口, 起得一條大石霎, 胡強最威, 兩條牛屎一條細鱗一條雞仔. 最後個個都打劫晒胡強d魚走, 佢自己拎條最大條的牛屎立返家.

我地連同同船的西隧新釣友對Jimmy的處事方法極度不滿. 冇理由交流會變成事先不通知而分位釣, 到呢一刻所有人都唔知交流過d乜, 可能係交流到"西隧釣會"的攪活動的方式, 叫人等一大輪後分艇出, 唔通知又自己去秘點.

釣咁耐魚都未試過咁唔開心, 咁危險咖!!

小白篇

今天是大漁磯社及西隧釣會的交流日，雙方加加埋埋有二十多人，共分兩隻大眼雞。二時三十分在香港仔碼頭集合，三時多才可正式出發。

到達釣點，譚威及他三位朋友上了圓角的避風位。他們的收獲有一條斤多兩斤的細鱗及半斤的火點，斷一口。��強Я人入了內灣位，有一條兩斤左右的黃�P鯧、小型連尖及黃鰭鯧。小白及Harry上了大角正風位，Harry袛中一小幽面。其餘人有貓魚、阿輝、胡強、阿強、小星及ET上了大角。阿強一開波就斷一口，但他們的收獲也不錯，胡強用三號竿強姦了兩條牛屎(一條有36cm)、一條細鱗、一條雞魚。小星就有條芝麻斑，而貓魚就有雞魚。

九時三十分收礁，臨走時起了風湧，大眼雞很難埋礁，差要叫直升機吊人走。足足攪了一小時先落哂船，非常危險。十一時四十五分才到達香港仔。　驚險剌激、再無下次!!!