|
活動
|
火熱動感啦啦啦之拉隊去蒲台．番外篇 - 海盜船之章 |
|
日期
|
2002年6月2日(星期日) |
|
時間
|
0730 - 1800 |
|
地點
|
蒲台島 |
|
釣友
|
貓魚、名手小星、健健、翁小朋友、小里、Edwin和Emil |
|
2002年6月2日(星期日)，原本因為天氣不穩而取消的"火熱動感啦啦啦之拉隊去蒲台"活動。 今次出席的病患有貓魚、名手小星、健健、翁小朋友、小里、Edwin和新釣友Emil。0730我 |
 |
| 根據Edwin所講，那個戴眼鏡的艇佬服務不太好，於是便選乘另一個艇佬。(好似全個蒲台得兩、三個艇佬) 那個艇佬黑黑實實、冇戴眼鏡的在碼頭 *各位要小心他，因為……* 。見到剛剛同船的一對中年男女上了那個黑黑實實、冇戴眼鏡的艇佬 (下稱 "艇佬")船，貓魚便問他出唔出到南角咀後面，他說出到﹔小星便補充說要去東角個頭附近，他亦說出到。還催促我們上船。健健於是說我們七個人上唔晒，他又說上得晒。這時那個中年女人亦加入催促行例。臨上船時貓魚便問他幾錢，艇佬便說上船先計。我們便開始上船…… |
| 當小里、翁小朋友和Edwin上船後，艇佬便說要走第二轉。於是碼頭上只剩貓魚、名手小星、健健和Emil。正當大家吹水之際艇佬又出現在眼前。大家心中充滿疑惑:「點解艇佬可以在兩個字都唔駛就番到離既?」上船一問，那個艇佬便說出唔到那邊，上了一個沙灘隔離。「沙灘隔離!?」心中已知不妙。一轉過碼頭左手面的出水石，艇佬直指內灣的一個小沙灘。貓魚便出聲表示不是這一邊，是要到南角咀後面。那個艇佬便說唔出個面…… 「唔係這邊，係要去南角咀後面喎﹗」貓魚第一時間說。「我唔去個面咖。」艇佬回應。「咁你係碼頭又話出到？」「我點知你話去邊呀？」艇佬反問。「阿叔，我地頭先都話去東角個面啦﹗」小星加入。「我都唔知你講咩角咩角﹗」貓魚又說：「咁都得呀﹗你個時就唔好話出到啦﹗」「我係到車左幾十年都冇南過D咁難攪既客……」小星插嘴：「阿叔，我地拿住喜記俾個張地圖，個到都有寫東角啦﹗你冇理由唔識呀!?仲話係到車左幾十年﹗」「我就係喜記個細佬﹗」艇佬出聲。「我話知你係邊個呀﹗你去唔到就唔好老點我地上船啦﹗講就天下無敵，做就無能為力﹗」貓魚說。「唉﹗總之你又講錯，我又聽錯﹗大家都有錯啦……」艇佬推卸責任，繼續向沙灘進發。貓魚已經扯火：「我地一早講左去邊，跟住張地圖講你都話我地講錯﹗你有冇攪錯呀……」貓魚繼續說：「係你話出到我地先上船，依家你先話出唔到﹔仲想賴我地﹗」「成條石屎路係山邊，我駛咩坐你船呀﹗」「車你地返碼頭拿﹗」艇佬凶人。「好呀﹗係咪車﹗我地行過離都唔駛三個字﹗」貓魚不甘示弱。「俾錢呀﹗」艇佬說。「俾你XX呀﹗我都未XX你老點我地呀﹗」一論罵戰艇佬已經車到沙灘既右手邊。見到小里他們準備張釣具由海邊搬上石屎路。那對第一車船的中年男女已經在沙灘的右手面磯位……跟本就搵我地離搭單。貓魚他們都上晒岸，那個艇佬就話要收錢。問他幾多錢他就說來回四十，我地就話單程得啦﹗艇佬就話單程三十，「去白排都係四十來回咖喎？」小星說。「七個人二百蚊啦﹗」艇佬即刻收錢。臨走仲說：「以後都唔車你地班仆街﹗」「收錢就走啦﹗X你﹗我地都唔X會搵你車啦﹗」小星說。「走啦﹗XXX﹗」我地好無奈咁要去番步兵位作釣…… |
 |
 |
|
去到步兵位，那裡的風浪很大，我們釣得十分困難。釣了一會都沒有魚訊，跟著Edwin同Emil走到內灣處釣，不一會他們中魚了，是我們的TARGET - 幽面，終是我們精神為之一振﹗不一會他們又中到幽面，比之前的一條還大。我們繼續在咀位釣，到了他們連釣四條的時候，我們相相走到他們那邊……。可是我們一條都釣不到，還攪到Edwin他們都靜埋。我們於是返回原位繼續食浪，而健健首先放棄﹗再釣了一會之後，翁小朋友被浪一打，他的誘餌即時變成羅宋湯。貓魚叫他行上一點，他說沒有問題。再一個浪，他差點連誘餌袋都落海。之後他便走去休息，健健在高位替我們都拍照，正想拍名手小星的時候，小星他一把面另過來的時候，呯一個浪，小星半邊身濕晒﹗又多一個人投降。之後貓魚在改釣組的時候，一個大浪，他全身濕透，誘餌亦變成羅宋湯。他不理會想繼續綁釣組時，又一個浪，他慘叫說連底褲都濕埋﹗綁好後貓魚繼續釣，但當他釣到一條泥猛後亦宣布放棄。現在只剩下Edwin和Emil在內灣位繼續努力，可是釣到的都只有老泥﹔而小里依然在高位打龜﹗ 正當小星他們在休息的時候，發現水池佈有大量蟹仔，於是撈蟹仔正式開始，他們把一條死泥猛綁在撈磯網邊，放到水裡等蟹仔走去食魚，之後就一兜將蟹仔撈入網內。撈了一會之後，健健佣出前打竿釣蟹……玩了一會小里中了一條小幽，我們不加理會繼續撈蟹釣蟹。突然﹗下起大雨來，之後還行雷。我們只有……等﹗小里、Edwin和Emil也走回來一起等……等……等……等……等……大約等了個多小時，雨終於減弱，雷亦行完。大家便再釣看看，發覺已經被泥猛大軍包圍，因為貓魚遠投都只有釣到泥猛。於是大家便決定提早收竿，走番出碼頭食麵等船走…… |
 |
 |
| 去到先知完來已經關門冇得食，我們便唯有去碼頭。去到碼頭便舉行班獎，得主是……Edwin﹗由發起人名手小星做班獎家賓，將大魚獎七十大元交俾Edwin。之後便開餐，突然想起健健的前打竿，我們加開第二埸…… |
 |
 |
| 由於竿就得一支，所以我們便一人一口餌，如果釣到魚就獎一次。之後小里用一支竹改裝成一支手竿，就咁一支"別作小里"就出產了。Edwin還拿出手竿來釣。 |
 |
 |
| 就係咁……開心既時間特別快．又係時候講Bye-Bye﹗街渡已經出現了…… |
|
文: 貓魚
|