去到蒲台，我們便走去步兵位釣。釣了一會，翁小朋友中第一位幽面，有腳板size。之後到小星中魚：「嘩~~~零號鱗海special呀﹗」，小星玩魚途中貓魚又中：「鱗海special零零呀~~~~~」一時間兩支鱗海special就好似打緊螳螂拳咁，十分過引……兩條都有腳板size。之後梅花間竹一人一條，只有小里中唔到幽面，因為他想釣黑沙，把釣組調到很深。

到了貓魚中第三條的時候，突然"PANG"一聲，之後就聽到貓魚大叫。一切來得很突然，只見貓魚右手拿著那支鱗海special柄，有"十五尺"已經插入海中。他立即把主絲收回並說炸柄。終於把那"十五尺"收回來，還附送一條磅頭幽面……

起初都以為只是炸柄，細看之下，原來連第三節都炸埋，計埋督落浮波撞斷的第一節。斷了第一、三和第四節，共斷開四節……貓魚立即冇晒心機，他說一投出去，見到浮波一沉，收了兩手虛絲，揚竿，還未揚晒就"PANG"一聲KO左。阿星還說今次唱周杰倫的雙截棍要唱兩次先得啦!(因為變了四截棍)貓魚話釣了六、七年浮游磯都未炸過竿，估唔到第一次就炸咁甘﹗真係千年道行一朝喪……佢成個人好似魂不附體咁，猛咁話冇理由用1.5賴一揚竿都炸咖？都未揚晒支竿丫？支竿用左第六次呀？又未跌過？一連串既問題……後尾開支名嶕06出離釣都冇咩心機，最後只係釣多一條幽面。反而小星和翁小朋友就釣到十幾條﹔而小里後尾都抵受唔住幽面既誘惑而改行釣埋一份﹗

之後釣到大約四點，幽面既魚訊都七七八八﹔便收竿走去食麵。食麵個陣時貓魚仲話唔知點解會斷，後尾得出一個結論就係支鱗海special00偷得太薄。0號都有142克而00就得番108克，由於斷個兩節都係炸竿同竿的駁口位，所以推斷係因為受力分配唔平均。所以就咁樣炸左……